Во својот прв натпревар на струшкиот ракометен турнир составот на Алкалоид со резултат 27:23 триумфираше против Динамо Панчево.

Играчите предводени од тренерот Кирил Лазаров по првото полувреме водеа со три голови разлика (12:9) против екипата од Србија.

Најефикасен во редовите на македонскиот вицешампион беше Кристијан Симоновски со шест голови, а два помалку запиша Мартин Серафимов.

В четврток РК Алкалоид ќе биде слободен, а во петок го очекува дуел против грчкиот шампион АЕК Атина.

Претходно во текот на првиот ден пред свеченото отворање ракометарите на Вардар 1961 беа подобри од домаќинот Струга.