На 9 март 1798 година, Наполеон Бонапарт и Жозефина де Боарне стапиле во брак. Нивната љубов остана запаметена во историјата како една од најголемите, најстрасните и најневерните. Како споменик на нивната љубов се останати бројните љубовни писма.

„Јас сум несреќен откога те оставив. Среќа е кога сум покрај тебе. Постојано живеам во сеќавањето на твоите милувања, твоите солзи, твојата нежна грижа. Шармот на неспоредливата Жозефина постојано гори и пламенот во моето срце е запален“, напишал заљубениот Наполеон.

Бил воодушевен од нејзиниот шарм и интелигенција

Младата вдовица со две деца го запознала Наполеон во 1795 година, кога таа имала 32 години, а тој само 26. Една година претходно го изгубила својот сопруг, француски виконт, кој бил осуден на смрт и гилотина. Како вдовица, таа била љубовница на неколку истакнати политичари, а во тоа време била љубовница на Пол Барас, кој сакал да ја спои својата скапа љубовница со Наполеон затоа што нашол нова, а не можел да ги издржува двете. Тие се запознале на забава, а Наполеон, не очекувајќи го тоа, веднаш се заљубил.

Но, нејзе не ѝ се допаднал. Меѓутоа, Жозефина, која била прилично екстравагантна и го сакала животот на висока нога, не можела да си дозволи таа и нејзините деца да не продолжат да го живеат начинот на живот на кој биле навикнати. Така таа се согласила на неговото додворување и многу брзо се омажила за него.

Жена со сомнителен морал

Ни таа, ни негово семејство не биле комотни со бракот. Сепак, таа била постара, веќе имала две деца, не било сигурно дали уште ќе може да се породи, а ја придружувал и угледот на жена со сомнителен морал склона кон постојано менување на љубовниците. И покрај тоа, таа имала одреден статус во општеството, луѓето ја сакале и била многу вешта во склучувањето зделки и контакти со луѓе на важни позиции. Нејзините пријатели мислеле дека Наполеон не е значаен генерал со премалку пари кој постојано бил на бојното поле.

Сакај ме оддалеку

Наполеон морал да замине веднаш по склучување на бракот и бил очаен бидејќи бил заљубен и сакал постојано да биде во близина на сопругата. Секој ден ѝ испраќал љубовни и еротски писма, а на Жозефина ѝ одговарало што ја обожава од далечина. Таа продолжила да води развратен живот полн со сексуални афери и постојано наоѓала изговори да не му се придружи.

„Не те сакам повеќе, напротив, те презирам. Ти си ужасна, многу лигава, многу глупава, многу бледа. Воопшто не ми пишуваш, не го сакаш маж ти. Знаеш колкаво задоволство ми причинуваат твоите писма, а не ме удостојуваш да напишеш ниту шест реда најапсурдни чкртаници… Се надевам дека наскоро ќе те гушнам цврсто и ќе те опсипам со милиони жешки бакнежи. Бонапарта “, гласи едно од писмата на Наполеон.

 

View this post on Instagram

 

A post shared by Boutique Napoléon (@boutique.napoleon)

„Мојата Жозефина сѐ прави грациозно…“

Кога дознал како се однесувала во негово отсуство, тотално збеснал и решил дека нема повеќе да има врска со неа. Решил да не се разведе, но целосно да ја игнорирал својата неверна сопруга. Тоа не ѝ одговарало на каприциозната Жозефина. Таа дури тогаш почнала да копнее по него. Решила да му се посвети само нему, престанала да го изневерува, а му била достапна и дење и ноќе. Но потоа, иако не престанал да ја сака, почнал да ја држи на дистанца и да ги менува љубовниците. Тој бил приврзан за нејзините деца и не сакал да остане без способностите на Жозефина да ги убедува луѓето во тоа што е во негов интерес. А таа била многу вешта во тоа.

Во писмата тој сè уште бил нежен: „Добро сум. Те сакам и посакувам. За мене има само една жена на светот. Едноставно ја сакам мојата мала Жозефина, добра, каприциозна, која често е лута, но толку грациозно се расправа, што прави сè грациозно, бидејќи едноставно е фасцинантна.

Голем сексуален апетит

Бил фасциниран од нејзините сексуални вештини, вклучително и движењето што го нарекувал „цик-цак“. Опиен од сексуална страст ѝ пишувал љубовни писма со сексуална конотација.

„Утре се враќам во Париз, немој да се капеш“

„Водеше љубов брзо и жестоко. Како пожарникар кој гасне пожар“, изјавила Жозефина за љубовниот ритам на Наполеон. Но, и таа била многу бучна во водењето љубов, така што, повеќе од еднаш, со своите врисоци го будела половина дворец.

И по разводот, копнежот не исчезнал

Пет години откако станала царица, Жозефина и Наполеон се развеле. Причината била што не успеала да роди и да обезбеди наследник. Разводот на Жозефина ѝ бил тежок, но таа се согласила на тоа за да му овозможи на Наполеон да се ожени со помлада жена која би можела да го роди неговиот наследник. Но, поранешните сопружници останале во добри односи. Се грижел за неа и за нејзините деца до крајот на животот. Таа го добила замокот „Малмезон“ недалеку од Париз, каде што одгледувала ружи

Неколку месеци по разводот ѝ напишал: „Сакам да те видам! Ако си во Малмезон, ќе дојдам на крајот на месецот бидејќи навистина сакам да те видам!”

Последното нешто што го изустил е нејзиното име

Четири години по разводот, Жозефина починала од пневмонија. Во тоа време, Наполеон веќе бил прогонет во егзил на островот Елба и истиот месец дознал за нејзината смрт. Наводно, кога слушнал дека таа починала, два дена се заклучил во собата, не сакајќи да види никого. Починал околу седум години подоцна, а последниот збор што го изустил на смртната постела бил – нејзиното име.