Министерот за односи меѓу заедниците, Иван Стоилковиќ, вечерва во „Само интервју“ на телевизијата „Канал 5“ рече дека најавите за промена на државниот грб „само ќе предизвикаат да се направи спирала на дестабилизација и да се отворат многу прашања“.

Тој се осврна и на состојбите во судството, оценувајќи дека за разлика од ВМРО-ДПМНЕ, која има „мали скрипти“, „тефтерчињата“ на СДСМ се „огромни томови“.

„Судскиот совет воопшто немаше да биде споменуван во јавноста и во медиумите доколку си ја вршеше добро својата работа. Тефтерчињата на ВМРО-ДПМНЕ за судството се мали скрипти, а на СДСМ се огромни томови. Притисокот на премиерот во однос на корупцијата е сериозен, најважно е да се знае дека тој ќе пружи рака – да знае дека ќе му биде отсечена. Многу лесно се излегува од игра, светот станува многу брз, особено за политичарите“, рече Стоилковиќ.