Американскиот режисер Стивен Спилберг одржува пријателски односи со неговата поранешна сопруга Ејми Ирвинг, со која го има синот Макс и покрај нивниот развод во 1989 година. Иако останаа во пријателски односи, разводот на Стивен Спилберг и Ејми Ирвинг во 1989 година остана запаметен како еден од најскапите во историјата на Холивуд.

Откако судијата одлучи дека предбрачниот договор напишан на салфетка не е валиден документ, Ирвинг доби 100 милиони долари од Спилберг, пишува „Хелоу“.

И покрај финансискиот товар од разводот, Спилберг и Ирвинг успеаја да одржат пријателски односи се со цел заедно да го воспитаат својот син Макс, кој беше во фокусот на двајцата.

Колку им била важна благосостојбата на Макс покажува фактот дека тие продолжиле да живеат во близина еден до друг, се со цел нивниот син да не ја почувствува нивната разделеност.

Иако подоцна започнаа врска со нови партнери, тие денес одржуваат добри односи, а во една прилика Ирвинг признала дека сè уште чувствува љубов кон поранешниот сопруг и дека сè уште го гледа како член на своето семејство.

Она што е интересно е признанието на Ирвинг дека таа и Спилберг, заедно со нивните сегашни партнери повремено одат состаноци, што ја покажува нивната извонредна зрелост и пријателство меѓу поранешните сопружници.