Државниот секретар во Министерството за земјоделство, шумарство и водостопанство на Србија, Ивана Поповиќ, изјави дека се зајакнати мерките за надзор и контрола на увозот на свинско месо, како и трговијата со месо и месни производи, објави Н1.

Како што соопшти Министерството, разговарано е со претставниците на Здружението на производители на свињи од Мачва, со цел да се процени моменталната состојба во областа на свињарството, пред сè, кога станува збор за откупот и цената на гоење на животните во Србија. Министерството, во рамките на своите надлежности, максимално ги поддржува и помага домашните земјоделски производители, пред сè преку различни мерки за поддршка во вид на субвенции и стимулации.

Се нагласува дека многу се работи на зголемување на сточниот фонд, што е меѓу апсолутните приоритети на Министерството и на Владата во овој мандат.