Целиот регион е потресен од стравичниот, трагичен настан кој се случи во дискотеката „Пулс“ во Кочани, каде најмалку 59 лица загинаа во пожарот, а 155 се повредени.

За трагедијата проговорија и јавно го искажаа своето жалење и поддршка бројни локални и регионални ѕвезди, меѓу кои и членовите на српскиот бенд „Ван Гог“.

Тие на својот официјален профил на социјалните мрежи споделија емотивна објава со скршено срце, посветена на сите жртви и повредени во Кочани.

„Ван Гог“ е еден од омилените бендови на македонската публика и тие често настапуваат во повеќе градови низ Македонија, секогаш наградени со искрени и еуфорични аплаузи.