Српски пулмолог објави снимка од белите дробови на 22-годишно момче заболено со ковид-19
Белградскиот пулмолог Дејан Жујовиќ на својот фејсбук-профил објави снимка од бели дробови на 22-годишно момче заболено со коронавирус. Белите дробови на момчето поради болеста изгубиле голем дел од својот волумен.
Препорачано
„Вака некогаш изгледаат белите дробови погодени од короната. Од овој момент не комуницирам со дебилите кои го негираат вирусот! Ова време бара луѓе кои се здрави во главата. Држете дистанца, маска каде што дистанца не е можна. Јавете му се на својот доктор ако не се чувствувате добро… Останете ни здрави и живи“, напиша белградскиот пулмолог Дејан Жујовиќ .
„Ова е целосна деструкција на белодробното ткиво. За среќа не се случува често, но остава доживотни последици ако пациентот преживее. Имајте на ум дека 3 проценти од заразените пациенти умираат поради короната“, додаде докторот.
Ovako nekada izgledaju pluća pogođena koronom. Od ovoga trenutka ne komuniciram sa debilima koji negiraju virus! Ovo vreme zahteva ljude koji su zdravi u glavi. Držite distancu, maska gde distanca nije moguća. Javite se svom lekaru ako se ne osećate dobro. Pokret je protiv svih ekstremnih mera, kao što je policijski čas.Ostajte nam zdravi i živi ???
Publiée par Dejan Zujovic sur Lundi 12 octobre 2020
Пред извесно време, во разговор за порталот BGonline, Жујовиќ опиша какви се симптомите кај потешките облици на болеста.
„Тие луѓе чувствуваат сериозен недостаток на воздух, омалаксаност и физичка немоќ да направат три чекори. Врзани се за постелата, дишат како да ќе умрат во секој момент. Еден од тие случаи е и младиот ватерполист кој цел месец живееше на респиратор, а кога беше пуштен од болницата, остана прикован за концентратор на кислород. После сѐ може да ја отпише кариерата на ватерполист и дискутабилно е каков живот ќе води“, рече Жујовиќ.
„Луѓето кои имаат хронична опструкција на белите дробови се сериозно загрозени, загрозен им е животот. Кај пациентите кои имаат астма се зголемува ризикот од хоспитализација, но не и од смртност. Важно е да имаат редовни контроли и редовно да ја користат инхалациската терапија. Терапијата кај астматичарите не смее никако да се прекинува“, додаде пулмологот.
Жујовиќ ја прележал колоната и вели дека брзо се опоравил благодарение на оптимизмот и борбениот дух.
„Има и такви кои се убедени дека имаат корона и за да се смират мора да поминат многу дијагностики. Смртно исплашените луѓе придонесуваат за прогресија на својата болест. Оптимизмот и борбениот духот ми помогнаа да се опоравам релативно брзо. Стравот и паниката предизвикуваат лачење на некои хормони кои не придонесуваат за оздравување, напротив. Ако адреналинот или кортизолот ви се покачени, можете само полошо да поминете“, се присети докторот на неговата борба со коронавирусот.
Uvek misli da će sve da bude ok.
Publiée par Dejan Zujovic sur Vendredi 18 septembre 2020
