Министерот за дијаспора во Владата на Србија, Ѓорѓе Милиќевиќ вечерва е итно примен во болница во Солун, јавуваат српските медиуми.

Не е објавено какви точно здравствени проблеми имал министерот, но медиумите пишуваат дека ситуацијата била драматична и дека Милиќевиќ наеднаш почнал да се гуши, по што била повикана Итната медицинска помош.

46-годишниот Милиќевиќ во Грција допатувал за да ја отвори свеченоста по повот Денот на српското единство, слободата и националното знаме во Конзулатот на Србија во Солун.

Според дел од српските медиуми, на министерот претходно му биле извршени неколку операции на срцето, како последица од тешка сообраќајна несреќа.