Нафтената индустрија на Србија (НИС) денес објави дека поднела ново барање до Министерството за финансии на САД за издавање посебна лиценца со која се одложува целосното спроведување на санкциите и ѝ се дозволува на компанијата да продолжи со своите оперативни активности по 26 септември, кога истекува рокот предвиден во претходната лиценца, пренесува Н1.

Исто така, на 14 март, компанијата испрати барање до Министерството за финансии на САД да биде отстранета од листата која вклучува широк спектар на поединци, компании и организации кои претставуваат закана за националната безбедност и целите на надворешната политика на САД., што претставува сложен и долг процес, се вели во соопштението.

Досега, целосното спроведување на санкциите против НИС беше одложено во шест наврати врз основа на посебни лиценци издадени од Канцеларијата за контрола на странски средства (ОФАК) на Министерството за финансии на САД.