Жителката на Северна Каролина, Кели Спар, засекогаш ќе го памети октомври, кога станала побогата за 250.000 долари (околу 230.000 евра).

Таа застанала во локална продавница за да купи сок од портокал, а малку подоцна не можела да се соземе од изненадувањето.

Што се случило?

Кели влегла во маркетот, купила сок, а потоа решила да се „почести“ со грепка.

Се испоставува дека купила добитна грепка, вредна 250.000 долари, пренесува UPI.com.

„Тикетот беше преклопен, изгледаше убаво и не можев да одолеам“, објаснила таа.

Кели истакнала дека тоа е сума која значително ќе ѝ го промени животот.

„Навистина многу ќе ми помогнат тие пари. Ќе ми отворат некои нови врати“, додала.

Потсетуваме, и столарот Џери Хикс од Северна Каролина, имал неверојатна среќа. Пронашол 20 долари на паркингот, а неколку минути подоцна се збогатил!

Наместо да ги потроши парите на храна или гориво, тој влегол во продавница, купил тикет од лотарија и освоил 429.000 долари (околу 398.000 евра).