Попладнето во Струга со нож е прободен началникот на струшката полиција. Началникот е веднаш пренесен во струшката болница констатирани му се тешки телесни повреди, но е вон животна опасност. Од полицијата информираат дека четириесет и четири годишен жител на струшкото село Велешта е приведен по напад на началникот на Полициската станица во Струга. Информацијата за МИА ја потврдил портпаролот на СВР Охрид Стефан Димоски.

– Околу 19 часот во Струга од полициски службеници од ОВР Струга е лишен од слобода С.Н. (44) од струшкото село Велешта, затоа што денеска околу 17.30 часот на улицата „Ристо Крле“ во Струга со остар предмет го нападнал А.Д.(46) од Струга, изјави Димоски.

Против напаѓачот, во координација со јавниот обвинител ќе биде поднесена соодветна кривична пријава, истакна Димоски.