Лидерите на Европскиот сојуз за промени, Африм Гаши, Билал Касами и Изет Меџити како и советникот на косовскиот премиер Албин Курти за Македонија, Беким Ќоку, денеска за време на престојот во САД имаа средба во американскиот Стејт департмент, соопшти коалицијата.

„На оваа средба беше истакнато дека коалицијата ЕСП е на иста линија со интересот на САД во регионот на Западен Балкан. Лидерите на албанската опозиција ги информираа домаќините за политичките актуелности во Македонија, како и за конструктивната улога на коалицијата Европски сојуз за промени за демократизација на земјата и нејзина интеграција во ЕУ. Поддршката на САД за Северна Македонија ја зајакнува нашата благородна мисија за борба против корупцијата и членството на земјата во ЕУ“, соопшти Европскиот сојуз за промени.