На последниот ден од Светското првенство во карате за кадети, јуниори и помлади сениори У21, настапија двајцата македонски натпреварувачи, Витомир Трајковски и Стефан Стојановиќ. На СП настапуваа вкупно 1859 каратисти од 105 држави.

Трајковски во финалето во категоријата -84 кг. иако го даде својот максимум против Италијанецот Фиоре Матео не беше доволно да извојува победа и да освои златен медал, на крај резутатот заврши 4-1 за противникот.

Стојановиќ го освои второто место во категоријата +84 кг. загуби од репрезентативецот на Саудиска Арабија Суфјани Санад со резултат од 6:1. Овој резултат е до сега најдобриот резултат во категорија У21 и воопшто на светските првенства каде што настапила Македонија. Со двата сребрени нашата земја е на високата 20 позиција од вкупно 1800 натпреварувачи и вкупно 105 држави од целиот свет.

На ова првенство македонскиот судија Раде Стефановски се здоби со најголемата Светска судиска лиценца во Кати и во Борби што е уште еден показател дека Карате федерацијата на Македонија работи успешно со сите тела и комисии и затоа со право го носи епитетот една од најдобрите национални спортски федерации во Македонија.

Следните настапи на каратистите се Балканското првенство во Бар, Црна Гора, а потоа ќе следуваат и подготовки за Европското првенство Кипар 2023.