Репрезентацијата на Србија ќе игра ново финале во ватерполо на Олимписките игри. Србите денеска го надиграа САД со 10:6 и така се пласираа во финалето каде што ќе играат за трето злато во низа.

Од почетокот на натпреварот Србија беше многу подобар противник и ги искористи скоро сите шанси, па заслужено дојде до борба за златото.

Во финалето Србија ќе има шанса да стане само втората репрезентација која успеала трипати во низа да го освојува златниот медал на Олимписките игри. Претходно, тоа и успеа само уште на Велика Британија во првите две децении од минатиот век.

Денеска одличен на голот кај Србија беше голманот Радослав Филиповиќ со десет одбрани, Никола Дедовиќ постигна четири, а капитенот Никола Јакшиќ три гола.