
Србија ќе продолжи на Евробаскет без својот капитен Богдан Богдановиќ
Иако беше сигурно дека српската репрезентација ќе остане без капитенот, сега пристигна официјалната потврда од тамошната федерација.
Препорачано
Богдан Богдановиќ ќе го пропушти остатокот од Евробаскетот и нема да му биде достапен на селекторот Светислав Пешиќ за следните натпревари на континенталниот собир.
Српскиот репрезентативец се повреди во втората четвртина од натпреварот со Португалија, и не се врати повеќе на теренот. Му беше дијагностицирана руптура на мускулот што го спречува да продолжи да учествува на овој турнир.
Српската кошаркарска федерација ја потврди оваа вест со официјално соопштение на својата веб-страница:
– Во договор со клубот на Богдан, Лос Анџелес клиперс, капитенот ќе биде подложен на интензивна терапија во САД во наредниот период со цел што побрзо да се опорави. Стефан Јовиќ ќе ја носи капитенската лента до крајот на првенството – стои во објавата на федерацијата.
Следниот четврти натпревар во рамките од групата А најдобрите српски кошаркари ќе го имаат в понеделник од 20.15 часот против Чешка.
Капитен репрезентације Србије Богдан Богдановић неће играти у наставку Европског првенства због повреде задње ложе коју је задобио на утакмици против Португала у другом колу групне фазе такмичења.
Више на линку: https://t.co/fUJvUSD7vj pic.twitter.com/POsKfP9bnr
— Košarkaški savez SRB (@KSSrbije) August 31, 2025