Со големи очекувња репрезентацијата на Србија влезе на овој Мундијал, а пред последното коло за пласман во осминафиналето им треба победа против Швајцарија, но и Камерун не смее да го победи Бразил.

Во првото коло Србија не можеше ништо против Бразил кој доминираше на теренот, меѓутоа избраниците на Пикси може да жалат за ремито со Камерун од 3:3. Иако прво имаа негатива, Србите направија пресврт и поведоа со 1:3, за потоа да дозовлат Камерунците со брзи два гола да изедначат.

Иако прими пет гола во два натпревари, Србија го има најдобриот голман на Светското првенство според бројот на одбранети удари. Голманот на Торино, Вања Милинковиќ Савиќ е на врвот со 12 одбрани.

Зад српскиот голман следи Ноперт од Холандија со 10, потоа по девет имаат Зомер и Шчесни. Треба да се каже дека Шчесни се уште нема примено гол.