Потсетување дека српскиот тенисер Новак Ѓоковиќ заедно со својот колега Васек Поспишил од Канада го основа Здружението на тениски професионалци (ПТПА).

Поради тоа, Светската тениска асоцијација (АТП) отворено застана на патот на Ѓоковиќ и неговата организација чија основна цел е заштита на правата на тенисерите.

Аргентинскиот тенисер Факундо Багнис, кој моментно се наоѓа на 126. место на АТП листата, откри какви притисоци вршела АТП врз играчите да не се приклучат на организацијата на Новак.

– Во 2020 година го живеев моментот кога Новак Ѓоковиќ формираше ново здружение, а АТП беше крајно агресивен кон нас да не се приклучиме. Денес, претседателот на АТП Андреа Гауденци нема никаква врска со играчи кои не се во топ 20 на листата – рече Багнис.

Аргентинецот му се заблагодарува на српскиот тенисер за сè што направил за него и неговите колеги.

– Благодарен сум за она што го направи Ѓоковиќ. Играчите треба да имаат некаков синдикат задолжен да разговараат со АТП. Сојузот што го направи Ѓоковиќ сè уште трае, но го видов многу вклучен на турнирот во Рим, на двоиполчасовен состанок кој беше задолжителен, а тој играше следниот ден. Луѓето немаат можност да го видат тоа, но јас го направив тоа и симнувам капа – вели Аргентинецот.