Deri nesër do të dihet se cilat lloje të perimeve dhe frutave do të kenë çmime të ngrira, ka bërë të ditur ministri i Ekonomisë, Kreshnik Bekteshi, dhe analizat janë në vazhdim. Ministria e Bujqësisë i ka dorëzuar Ministrisë së Ekonomisë parametrat hyrës për pemët dhe perimet, ndërsa do të merren parasysh edhe të dhënat nga Drejtoria doganore.

“Do t’i kemi të gjitha të dhënat dhe të premten apo të dielën do ta informojmë publikun se cilat fruta dhe perime do të kenë ngrirje çmimi”, tha Bekteshi të mërkurën.

Nga sot duhet të nisë zbatimi i vendimit të qeverisë për ngrirjen e çmimeve të disa produkteve të higjienës, të cilat gjithashtu do të lirohen me 13 për qind. Më herët me vendim të Qeverisë u ngrinë çmimet e makaronave dhe produkteve të qumështit, të cilat u ulën me 15, përkatësisht 10 për qind, si dhe çmimet e vezëve dhe të orizit, të cilat mbetën në nivelin 15 të këtij muaji. ndërsa buka e bardhë dhe gjysmë e bardhë 450 gram është e ngrirë 33 denarë.

Sipas ministrit Bekteshi, ngrirja e çmimeve është një masë që jep rezultate dhe mund të zgjatet për produkte të caktuara edhe pas afatit të përcaktuar, nëse gjykohet se ka nevojë. Ai gjithashtu bëri të ditur se nuk përjashtohen edhe ndërhyrje të tjera të tilla.

Ministri është i vendosur se nuk do të ketë rritje të papritur të çmimit të produkteve kur të pushojnë së vlefshmi vendimet e qeverisë për ngrirjen e çmimeve.