Parlamenti suedez do të votojë sot për anëtarësimin e vendit në NATO, njoftoi DPA. Votimit do t'i paraprijë një diskutim parlamentar.

Rezultati do të jetë i qartë deri në orët e vona të pasdites, pasi deputetët pritet të votojnë pro pranimit. Anëtarësimi në Aleancë do të kërkojë ndryshime legjislative që duhet të miratohen.

Megjithatë, votimi nuk garanton hyrjen e Suedisë në aleancën ushtarake. Të 30 anëtarët e saj duhet të ratifikojnë pranimin e Suedisë dhe Hungaria dhe Turqia nuk e kanë bërë ende këtë.

Ankaraja prej muajsh ka kundërshtuar anëtarësimin e vendit me arsyetimin se nuk ka marrë masa të mjaftueshme kundër retorikës anti-islamike dhe kundër organizatave që autoritetet turke i konsiderojnë terroriste. Presidenti turk Rexhep Tajip Erdogan ka një zgjedhje të afërt dhe një qëndrim i ashpër për këtë çështje mund të tërheqë vota nga votuesit fetarë dhe konservatorë.