Грешките за нега на кожата кои најчесто ги правиме се однесуваат на работите што ги правиме како дел од нашата секојдневна рутина. Дерматолозите тврдат дека одредени начини на нега на кожата со текот на времето стануваат навика, па затоа не обрнуваме внимание на правилното негување на кожата, пишува „Е-клиника“.

Најчестите грешки за нега на кожата што ги правиме

Негата на кожата обично вклучува употреба на различни препарати, а повеќето луѓе, особено жените, имаат тенденција да ги купуваат врз основа на реклами и да ги комбинираат. Наместо на потешкиот начин да научите дека одредени формули не треба да се комбинираат, подобро е да контактирате со дерматолог и да го консултирате за тоа кој производ е најдобар за нашиот тип на кожа.

„Во однос на изборот на производи, луѓето мора да бидат свесни за формулата, концентрацијата и видот на состојките“, вели д-р Марта Виера, дерматолог од Флорида.

Таа додава дека има производи кои се наменети за одредени типови на кожа и дека треба да се внимава со некои комбинации поради состојките што ги содржат.

„На пример, кремите за сончање понекогаш не може да се комбинираат со креми кои содржат антиоксиданси како витамин Ц, бидејќи може целосно да ја изгуби својата ефикасност. Доколку неодамна сте имале проблеми со кожата како маснотија, иритација или дамки, причината може да биде мешање на препарати кои не одат добро еден со друг“, истакнува д-р Виера.

Прекумерна употреба на пилинг

Општо е мислењето дека пилингот ја прави кожата мазна и сјајна, но нивната употреба не се препорачува премногу често, особено ако се работи за агресивни варијанти на овој препарат. Некои од нив содржат искршени лушпи од орев, кои ја оштетуваат кожата и всушност можат да предизвикаат побрзо стареење.

Д-р Виера вели дека луѓето треба умерено да користат пилинг за да го одржат здравјето на кожата.

„За жал, сите знаеме дека постои верување дека честото користење на пилинг е добро и корисно, бидејќи ги отстранува мртвите клетки од кожата, но всушност е спротивно. Не треба да се користи пилинг повеќе од еднаш или двапати неделно. Ако го користите почесто, може да биде штетно . Прекумерната употреба на ексфолијанс создава воспаление, чувствителност и појава на акни. Препорачувам нежен пилинг не повеќе од два пати неделно за да избегнете отстранување на природните липиди и масни киселини на кожата“, вели д-р Виера.

Таа наведува дека подобро е да користите домашни пилинзи кои можете сами да ги направите дома, наместо оние кои содржат разни хемикалии и може да се купат во продавници.

Спиење со шминка

Д-р Мајлс советува никогаш да не одите на спиење со шминка. Спиењето со шминка предизвикува заробување на сите видови нечистотии и загадувачи на површината на кожата . Ако го направите само еднаш, нема да предизвика трајно оштетување, но ќе забележите ефект врз изгледот на вашата кожа ако често спиете со шминка. Исто така, ќе ја старее нашата кожа предвреме и ќе поттикне зголемени пори.

Туширање со топла вода

Сите сакаме топол туш. Помага да се опуштите по напорниот ден, но и ја суши кожата и создава почва за појава на акни, бидејќи надворешната бариера останува „скршена“ предолго. Користете само млака вода, особено при миење на лицето, за да избегнете сушење на кожата, советуваат дерматолозите.

Кофеин за нега на кожа – да или не?

Не се препорачува консумирање на големи количини кафе, бидејќи овој напиток може да предизвика дехидрација на кожата. Сепак, ќе биде вистински благодет за нашата кожа ако на телото и на лицето нанесеме производи со кофеин. Одлични се против создавање на брчки и појава на целулит, но и го намалуваат отокот околу очите.