Елиф Елмас уште еднаш го привлече вниманието во Италија откако го постигна победничкиот гол во важниот триумф на Наполи во Серија А против еден од конкурентите за титулата сезонава, Милан.

Македонскиот репрезентативец покажува дека е во одлична форма, покрај головите кои ги реализираше во групите на Лига Европа за пласман во следната фаза, еве сега повторно ги тресе мрежите во шампионатот.

Доста пофалби од сите страни има за нашиот играч, а без сомнение се очекува да се крене неговата вредност и на „Трансфермаркт“. А таму моментно стои дека вреди 17 милиони евра, а највисоката негова вредност изнесуваше 18 милиони евра.

Според фудбалската опсерваторија и истражувачки центар (ЦИЕС) Елмас вреди дури 70 милиони евра, оваа информација ја сподели и „Тутоспорт“.

TuttoSport: "Elmas vale 70 milioni di euro secondo il Cies Football Observatory" – https://t.co/06ovVuubyz pic.twitter.com/Xpko4CduTi

— MondoNapoli (@MondoNapoli) December 21, 2021

Италијанската „Република“ пишува дека Македонецот е еден од најдобрите фудбалери под 23 години во Топ 5 европските фудбалски лиги.

Елмас има 18 настапи сезонава во Серија А и два голови, како и четири погодоци во Лига Европа. Тренерот Лучано Спалети е задоволен од неговите настапи, и знае дека „дијмантот“ може да го користи на повеќе позиции од теренот, сезонава седум пати ја имаше улогата на фудбалер за врска во нападот, централен играч, лево крило, лев играч во средниот ред, па дури и како десно крило.