Арсенал мора да се засили доколку сака да ја освои титулата следната сезона, оваа изгледа како загубена поради големиот број повреди кои се случија во изминатите девет месеци.

Нов спортски директор на лондонскиот фудбалски клуб е Андреа Берта, а во договор со тренерот Микел Артета реши да вклучи 11 имиња на списокот на играчи кои нема да бидат во тимот следната сезона. Се шпекулираа дека на тимот најпотребни му се напаѓач, играч од средниот ред и крилен напаѓач, како и резервен голман.

Првите двајца дефинитивно заминуваат Рахим Стерлинг и Нето, тие се враќаат во своите клубови Челси и Борнмут. Берта следната сезона не сака да смета на Парти и Жоржињо бидејќи им истекуваат договорите, а овој вториот веќе преговара со Фламенго. Левиот бек Тиран Кирни речиси сигурно ќе го напушти клубот и ќе се пресели во Селтик.

Берта сака да заработи и од поединечни играчи, не сака да се случуваат ситуации од минатото кога многумина си заминаа без голем надомест. Зинченко е прв меѓу нив, го загуби стартното место, а за него беше заинтересирана Борусија Дортмунд во текот на јануари, можно е да се врати на лето.

И Кивиор сака поголема минутажа, па ќе си замине, додека позајмениот Нуно Таварес ќе остане во Лацио за околу 10 милиони евра. Севиља има опција да го купи Локонга за 12 милиони евра, но ќе се обиде дополнително да ја намали цената. Рајс Нелсон е уште еден играч на продажба, а се верува дека Виеира кој е на позајмица во Порто нема иднина во клубот.

Сигурно ќе се случи уште едно заминување, еден од двајцата – Леандро Тросар или Такехиро Томијасу – имаа сериозни повреди и нивната иднина е неизвесна, а Белгиецот има одлична понуда од Ал Наср што би можело да се повтори во текот на летото.