Министерот за внатрешни работи и потпретседател на СДСМ, Оливер Спасовски, денеска присуствуваше на граѓанска трибина во Кичево, од каде најави намалување на големите казни за сите сообраќајни прекршоци во земјава.

– Продолжуваме со политиките што обезбедуваат повеќе пари кај граѓаните и помали трошоци. По намалување на казните за правни и физички лица, задоволство ми е што овде во Кичево можам да најавам дека во следниот период ќе поднесеме предлог за измена на законските одредби со што значително ќе се намалат казните за сите сообраќајни прекршоци – изјави Спасовски.