Грчки вооружен чувар на бродот „Етернити Ц“ е пронајден и извлечен од морето од страна на луѓето од приватната британска компанија АМБРЕЈ, откако бродот потона во понеделникот по напад од Хутите во Црвеното Море.

Во потрагата по преживеани учествува специјализираната компанија за глобална поморска безбедност и управување со ризици со која бродската компанија потпишала договор за спасување на своите морнари.

Според информациите од грчките медиуми, лица од оваа компанија извлекле и други членови на екипажот, чиј број засега е непознат. Сепак, има исчезнати лица. Во меѓувреме, Хутите држат шест члена на екипажот како заложници.

مشاهد استهداف وإغراق سفينة (ETERNITY C) بعدد من الصواريخ الباليستية والمجنحة أثناء قيامها بانتهاك قرار حظر القوات المسلحة اليمنية واتجاهها إلى ميناء أم الرشراش في فلسطين المحتلة. pic.twitter.com/dbs404YF6u

— أمين حيان Ameen Hayyan (@AminHian) July 9, 2025

Грчките медиуми објавија дека грчката стража била последна што го напуштила бродот, заедно со филипинскиот капетан, кога „Етернити Ц“ веќе почнал да тоне.

Морнарицата на Хутите, според соопштението на нивниот воен портпарол, реагирала на спасувањето и им пружила медицинска помош на некои од морнарите, префрлајќи ги на безбедна локација. Сè уште не е потврдено кој е заробен.

Нападот се случи во понеделникот, приближно 50 наутички милји од јеменското пристаниште Ходеида, кога „Етернити Ц“ бил нападнат со ракети и пловечки беспилотни летала, како и од вооружени лица со моторни чамци.

Од 25-те лица на бродот, четири лица биле убиени, шест биле спасени, додека 15 се водат како исчезнати. Ова е втор напад на Хутите врз грчки брод за 24 часа, по пријавениот напад врз бродот „Меџик Сис“.

Според медиумите, веќе се во тек преговори со бунтовниците за да се обезбеди безбедно ослободување на заробениците.