Дебаклот на норвешката репрезентација придонесе за пад на интересот за натпреварите на Мундијалот во Осло, дури и повеќе од очекуваното.

Во тој град денеска ќе се играат преостанатите четвртфинални натпревари меѓу Данска и Бразил (17.30 часот) и Германија и Португалија (20.30 часот).

Атмосферата нема да доликува на четвртфинале на Светското првенство, бидејќи интересот на публиката е намален.

На неколку часа пред почетокот на првиот меч беа продадени нешто помалку од 5.000 влезници, а капацитетот на салата е трипати поголем. Публиката на трибините ќе биде претежно германски и дански навивачи.

Да потсетиме, првата полуфинална двојка ја сочинуваат Хрватска и Франција, по вчерашните сензационални дуели во Загребската Арена.