Совршен: Рецепт за чизкејк со тиква, со кој ќе уживате во есенските денови
Чизкејкот од тиква е еден од вкусните есенски рецепти, кој мириса на цимет, морско оревче и ѓумбир.
Препорачано
Рецептот не бара многу труд, а доколку сакате малку да го искомплицирате – декорирајте го со прелив од карамела или шлаг и малку цимет, пишува „Пун куфер“.
Потребни состојки:
База:
- 200 гр бисквити
- 1 лажица шеќер
- 1 лажица кафеав шеќер
- 1/2 лажичка цимет
- 120 гр стопен путер
Крем:
- 680 гр крем сирење
- 150 гр кафеав шеќер
- 100 гр шеќер
- 80 гр кисела павлака
- 1 и 1/2 лажичка екстракт од ванила
- 250 гр пире од тиква
- 3 јајца
- 1 лажичка цимет
- 1/4 лажичка морско оревче
- 1/4 лажичка ѓумбир во прав
- 1/4 лажичка црн пипер
Подготовка:
Измешајте ги бисквитите со растопен путер, цимет, кафеав и бел шеќер, па притиснете ги во калап за печење (22 см). Ставете го во фрижидер да се излади додека го подготвувате кремот.
Измешајте го крем-сирењето со двата вида шеќер на средна брзина околу 1-2 минути.
Додадете павлака и измешајте, па додајте ги екстрактот од ванила, пирето од тиква и зачините.
Мешајте додека не се соединат. Измешајте ги јајцата едно по едно. Смесата рамномерно распоредете ја врз подготвената кора. Печете го колачот на 175 целзиусови степени, околу 40 минути.
Оставете го чизкејкот да се излади на собна температура, а потоа ставете го во фрижидер околу 6 часа или преку ноќ.
