Последните денови од летото и почетокот на есента се обележани со светли портокалови бои. Тиквите се насекаде – свежи, миризливи, сезонски, достапни и разноврсни. Ги јадеме во салати, печени, во десерти, но најпопуларното јадење е, можеби, вкусната крем-супа од тиква.

Тиквата има совршена текстура за ова јадење затоа што е мека по термичка обработка, а нејзиниот благ, сладок вкус совршено оди со различни зачини, пишува „Путни кофер“.

Во продолжение, прочитајте го најдобриот рецепт за крем-супа од тиква што треба да го пробате оваа есен.

Потребни состојки:

• 1 голема или 2 мали мускатни тикви
• 1 главица кромид
• 2 чешниња лук
• 1 компир
• 2 големи лажици маслиново масло
• 1 литар супа од зеленчук или месо (или вода)
• сол, пипер
• За сервирање: масло од тиква, семки од тиква, павлака

Подготовка:

Исечете ја тиквата на половина, излупете ја кората и извадете ги семките од внатрешноста. Исечете ја на помали коцки. Излупете го компирот и исечете го на мали коцки. По вкус, можете да додадете и моркови, целер и сл. во овој дел од подготовката. Коцките зеленчук треба да бидат дебели само сантиметар-два, за да можат правилно термички да се обработат.

Исчистете го и исечкајте го кромидот и пржете го во маслиново масло пет минути додека не омекне. Кон крајот додадете сечкан лук. Додадете го целиот зеленчук што го користите и динстајте го во масло и кромид десет минути на тивок оган. Истурете го булјонот, зачинете со сол, бибер, суви или свежи зачини по желба, па оставете се да се готви околу половина час. Ако немате булјон, можете да користите вода, или да измешате вода и супа. Количината зависи од густината што сакате да ја добиете.

Кога целиот зеленчук ќе биде сварен и омекнат, тргнете го тенџерето од шпоретот и сè измелете со миксер. Проверете ги зачините и додајте уште ако нешто недостасува. Ставете ја крем-супата на шпорет уште неколку минути.

Послужете така што на секоја чинија ќе ставите по една лажичка павлака, една лажица масло од тиква и попрскувајќи тост семки од тиква.