Советот на јавни обвинители не ги повлекува своите членови од Управниот одбор на Академијата за судии и јавни обвинители. Одлуката на Државната комисија за спречување на корупцијата ја нарекоа неизвршна и сите членови беа едногласни во оваа одлука.

Претседателката на Советот, Душица Димитриевска која е член и на актуелниот состав на Управниот одбор и повторно со колегата Башким Бесими се избрани во Одборот образложи дека Државната изборна комисија при утврдувањето на фактичката состојба не се земени предвид сите законски одредби и членовите на Советот одлуката на ДКСК ја нарекоа контрадикторна и со формално правни недостатоци.

Според нив, од една страна ДКСК во самата изрека на одлуката ја запрела постапката цитирајќи член од Деловникот бидејќи немало повреда на ниту еден закон, а од друга страна од Советот на јавни обвинители бара да ја стави вон сила одлуката за именувањето на членовите бидејќи биле во спротивност со Законот за академијата за судии и јавни обвинители и Законот за спречување на корупцијата и судирот на интереси.

Со ова според нив се нанесува штета на угледот и интегритетот на институцијата и на членовите.

Ставот на Советот на јавни обвинители е сличен на оној на Судскиот совет кој на претпоследната седница одлуката на ДКСК ја нарече катастрофална и ја оквалификува како упад на во судската власт.

ДКСК пак им укажа на двете тела да преземат мерки за надминување на настанатата состојба на начин што пред започнувањето на мандатите на новите членови на Управниот одбор на Академијат.

-Најдоцна пред истекот на мандатот на актуелниот состав на Управниот одбор на Академијата за судии и јавни обвинители, кој истекува на 29.11.2024 година да ги стават вон сила своите одлуки, кои се во спротивност со Законот за академијата за судии и јавни обвинители и Законот за спречување на корупцијата и судирот на интереси, велат од ДКСК.