Катаракта или попозната народски како ,,перде“ се нарекува заматувањето на природната леќа во окото. Леќата е поставена зад зеницата и нејзината функција е поврзана со фокусирањето на погледот на различни далечини и добивање јасна слика. Заматувањето на леќата води до расејување на светлината, замаглување на видот и постепено намалување на видот.

Кои се причините што доведуваат до појава на катаракта?

Катарактата во најчест случај е резултат на промена на структурата на леќата што е предизвикана од возраста, стареењето. Со текот на времето, структурата на леќата го променува составот и таа ја губи провидноста. Сето ова влијае врз влошување на видот и негово постепено намалување. Ова е најчестиот вид катаракта – поврзан со возраста. Понекогаш, покрај возраста како причина за појава, катарактата може да настане и од други причини и тоа да биде вродена (конгенитална), последица на удар (травматична), да биде предизвикана од поствоспалителен процес на окото (компликата) или, пак, да е патолошка – поради присуство на друго основно заболување.

Како се манифестира катарактата?

Типични симптоми на катаракта се: двојно гледање, замаглен вид, тешко или бледо распознавање на боите (особено на сината боја), тешкотии со видот во вечерните часови или ноќно слепило, ореол или отсјај околу светлите предмети, честа промена на контактни леќи или број на очила, губење чувство за длабочина, умор на очите и главоболки.
Типот на катаракта се определува според делот на леќата што е замаглен и според времето кога дошло до замаглување.

Постојат неколку типови катаракта:
– Нуклеарна катаракта: заматување на нуклеусот (јадрото на леќата)
– Кортикална катаракта: заматување на периферните оддели на леќата
– Кортиконуклеарна катаракта: комбинација од претходните два вида.
– Катаракта на задна капсула: заматување на делот во близина на задната капсула на леќата
– Матурна катаракта: целосно заматување на леќата
– Нигра катаракта: најнапредната форма на катаракта

Лекување на катаракта

Единственото лекување на катаракта е оперативно.
Катарактата не се лекува со лекови, единствена метода е хируршка интервенција.
Катаракта не може да се излекува со медицински лекови, очни капки, вежби или со користење очила. Единствената опција е да се отстрани потемнетата леќа и да се замени со имплант (интраокуларна леќа), која ќе ја врши нејзината функција и која останува засекогаш во окото.

Во Клиника „Жан Митрев“ операциите на катаракта се изведуваат со ФАКО-техника (факоемулцификација). Ова е најновата метода што е развиена во светот. При примена на оваа метода нема потреба од чекање за созревање на катарактата и пациентот не мора долго време да живее со ослабен вид. Периодот на закрепнување е краток.

Интраокуларните леќи што се вградуваат за време на операцијата ја вршат/ ја преземаат функцијата на природната леќа. Според тоа дали се со фокус за далеку и/или и за близу, дали коригираат повеќе фокуси и астигматизам, се делат на неколку видови:
• Монофокални леќи прават корекција за далеку, а за близу доколку е потребна корекција неопходно е да се носат очила по операцијата.
• ЕДОФ интраокуларни леќи се импланти со продолжен фокус на гледање. Тие се бифокални, со фокус за далеку и за близу некаде до 50 см. При гледање на помало растојание и за пoситни работи (читање), исто така е неопходно користење на очила со мал диоптер за близу.
• Мултифокални интраокуларни леќи, имаат фокус за далеку, средно и близу.
– Торик интраокуларните леќи можат да бидат и монофокални и ЕДОФ и мултифокални кај кои дополнително е вкалкулиран и вклучен астигматизмот.

Предоперативно секогаш е потребно да се направи индивидуален пристап кон пациентот со катаракта, со цел одредување кој тип интраокуларен имплант е најсоодветен.

Тимот офталмолози на Клиника „Жан Митрев“ ве очекува, закажете на тел. 02/3091-484

(Комерцијален текст)