Мина Зиројевиќ, член на Советот на родители во ОУ „Владислав Рибникар“ рече дека на седниците на Советот на родители никогаш не се разговарало за ученикот Коста Кецмановиќ (13), кој уби осуммина соученици и еден чувар во тоа училиште минатата недела.

Таа изјавила дека според она што можела да го слушне од учениците кои го познавале Коста, неговото однесување со ништо не укажувало дека може да се случи трагедија, туку се забележувало дека е конкурентен и понекогаш малку се карал со децата кои можеби биле подобри од него во класот.

– Сега се зборува дека токму тоа е причината и дека никој не го малтретирал од смената во која посетувал настава – рече Зиројевиќ.

Таа рече дека децата од ова училиште сега се во страв, дека се загрижени за состојбата на повредените ученици и дека за нив судирот со реалноста бил кога се појавиле некролозите со нивните другари.

– Ги споделија меѓу себе, сакаа да одат на погреб, некои родители се согласија, повеќето не. Не знам како ќе продолжи, некои деца виделе крв, други виделе некој што паднал – рече Зиројевиќ.

Братот на убиениот чувар Драган: Немаше деца, но го даде животот штитејќи ги децата