Канадскиот премиер Џастин Трудо во средата на својот инстаграм-профил објави дека со сопругата Софи Грегоар Трудо се разделуваат.

Уште минатата година на подкастот на Меган Маркл, Софи зборуваше за нејзината желба да се оддалечи од традиционалната женска улога на домаќинка.

Таа, на сега откажаниот подкаст „Архетипи“, во отворен разговор, рече дека сите жени „сакаат да бидат слободни и сами, бидејќи го носат најголемиот дел од товарот во домаќинството и со децата“.

Исто така, се согласи и зборуваше за вината што ја презема жената, бидејќи мора да преземе повеќе улоги во текот на животот.

„Мислам дека научивме да се самонаметнуваме. Малото девојче не треба да се раѓа со чувство на вина што е девојче“, изјавила Софи.

„Но, мислам дека сите ние сме лавици и сите копнееме да бидеме слободни во она што сме“, додала таа.

Меган ја опиша Софи како драга пријателка која е „симбол на силата што доаѓа од прифаќањето на човештвото, дури и наспроти сите притисоци од семејството, домот и јавноста“.

Маркл во својот подкаст потврдила дека, во текот на бракот, кој траеше 18 години, Софи имала полни раце работа како родител и сопруга, во очите на јавноста.

Канадскиот премиер Џастин Трудо се раздели од сопругата Софи