Иако нивниот брак заврши пред речиси една деценија, поранешните сопружници Ралф Шумахер и Кора Шумахер сè уште се тема на медиумите во Германија. Семејната драма на поранешниот Формула 1 возач, помладиот брат на славниот Михаел Шумахер и неговата екс-сопруга повторно го привлече вниманието на јавноста.

Ралф и Кора беа во брак од 2001 до 2015 година и заедно го имаат синот Давид, кој се натпреварува во мото-спортот. По разводот, односите меѓу нив првично беа коректни, но, како што пренесуваат германските медиуми, ситуацијата станала тензична откако Ралф отворено призна дека имал врска со друг маж, што според пишувањата, било пресвртна точка по која Кора целосно се дистанцирала од него.

Кора, која во последно време често се појавува во медиумите, не се воздржа од коментари на сметка на поранешниот сопруг:

„Да знаев каков е, никогаш не би се омажила за него. Не би ги потрошила со таков човек моите најдобри години, колку и пари тој да има“, изјави таа за германскиот печат.

И покрај затегнатите односи и разводот, Кора не го смени презимето, а причината ја објасни сосема отворено:

„Зошто да го направам тоа? Би било навистина глупаво. Презимето Шумахер ми носи заработка“, рече таа без двоумење..