Сопругата на Дино Дворник: Беше човек кого не можеш да го оставиш, а да не му се вратиш
Денеска се навршуваат 15 години од смртта на регионалниот „крал на фанкот“, хрватскиот музичар Дино Дворник.
Препорачано
Неговата сопруга Данијела му посвети емотивна објава на социјалните медиуми, каде напиша дека сè ѝ се допаѓало кај него – неговата луцидност, одлучност, страст, ритам за танцување, искреност…
„Бевме толку млади кога се запознавме и немавме пари. Имавме неопислива лудост да ги следиме нашите соништа – тој музиката, а јас него и неговата музика. Никој не му веруваше, никој не го бодреше, освен неколкумина од нас лудите. И никој од нас не знаеше до каде ќе стигне тоа. ‘Има некој луд дечко од Сплит што прави фанк (музика)’.
Сè ми се допаѓаше кај него… неговата луцидност, неговата решителност, неговата страст, неговиот ритам за танцување, неговата искреност, неговото чувство за луѓето и неговата леснотија да ги разбере оние другите кои не го разбираа. Бевме заедно помалку од 20 години, во добро и во лошо. Ги гледав неговите подеми и падови, го бодрев и му ја враќав силата кога и јас ја немав мојата.
И да беше жив, веројатно ќе бев со него бидејќи тој беше човек кого не можеш да го оставиш без да му се вратиш. Тоа беше пелин и мед (референца на истоимената песна на Дино Дворник). Но, тој беше неизмерно добар лик. Некако брзо поминаа 15 години, ми се чини дека неговото заминување беше неодамна“, напиша таа на Инстаграм и трогна многу следбеници.
Како потсетување, Дино и Данијела Дворник беа во брак од 1989 до 2008 година, кога музичарот почина како последица од предозирање со антидепресиви. Тие ја имаат ќерката Ела, која е позната инфлуенсерка во Хрватска, но и во регионот.
