Сопругата на Дино Дворник: Велат дека го убив со дрога, но вистината е дека јас му го спасив животот многупати
Дино и Данијела Дворник беа во брак цели две децении, а нивната љубовна приказна започнала уште во нивната најрана младост. Во разговор за „Слободна Далмација“, Даниела откри нови детали од животот со „кралот на фанкот“.
Како што вели во разговорот, таа и Дино се договориле да го „спасува“ од дружбите со луѓето после концертите, поради што некои од нив ја доживувале како лоша.
„Секогаш бев лоша во очите на другите, бидејќи секогаш се вадеше на мене. Кога некој ќе седнеше и ќе почнеше да му досадува, на пр. после концерт, ние веќе имавме осмислено сценарио. Јас почнував да велам ‘Дино, мене ми се спие, јас би сакала да си одиме дома…’. Така го спасував од оние кои му досадуваа, а јас бев лоша во нивните очи.“
View this post on Instagram
„Прифатив да мислат сѐ и сешто за мене. Најлошиот дел од таа работа е што луѓето те газат. Потоа велат ‘Жена му го уби со дрога’. Јас го убив? Па, јас му го спасив животот! Му го спасив животот многупати. Не само од дрогата, туку и од алкохолот и од таквите луѓе“, потенцира Данијела.
View this post on Instagram
Данијела раскажува дека Дино бил прилично нормален во кругот на семејството, но дека „морал да ги исполни очекувањата на другите луѓе“ кога ќе се појавел во јавност.
„Ако бев толку лоша, тогаш зошто беше со мене 20 години? Па, можеше да ме остави кога и да посакаше, но не го направи тоа. Милион луѓе знаеа да ми речат ‘Тој е прекрасен, но не би бил со него ни пет минути’. Но, Дино не беше таков секој ден. Дома беше најнормална личност“, открива таа.