Една од пистите на аеродромот „Схипхол“ во Амстердам беше затворена околу 45 минути денес откако пилотите и набљудувачите на авиони забележаа дрон, објави холандскиот јавен радиодифузен сервис НОС. Според полициското соопштение, контролата на летање добила повеќе пријави за дрон што лета на надморска височина од околу 150 метри околу 12:10 часот.

Во пренос во живо од набљудувач на авиони на YouTube, може да се слушне како капетанот на авион на Трансавија известува до контролата на летање дека дрон лета на околу педесет метри од неговиот авион.

Не е познато за каков вид на дрон станува збор, но полицијата вели дека најверојатно станува збор за мало летало, кој не можел да ги загрози авионите. Пистата била потворно отворена околу 13 часот.