Како и Ана Цветановска, денес настап имаше и најдобриот македонски нордиец Ставре Јада.

Јада на имаше солидна трка на 20 километри во светскиот куп кој се одржуваше во Давос. Македонскиот нордиец заврши на 56. позиција од вкупно 59 натпреварувачи, но треба да се знае дека доцнеше само седум минути зад победникот Симен Хегстад Кругер.

На подиумот завршија уште двајца Норвежани, Ханс Кристер Холунд и Сјур Ротер. Треба да се спомена дека Норвежаните ги пополнија и позициите од четвртото до шестото место.

Секако дека за доминацијата на Норвежаните придонесува и тоа што Русите кои се нивни најголеми конкуренти се суспендирани и не се натпреваруваат.