Во Собранието, Комисијата за политички систем и односи меѓу заедниците попладнево ќе одржи седница за поднесување иницијатива за одржување надзорна расправа за селективниот пристап во истрагата за трагедијата во Кочани.

Пожарот во дискотеката во Кочани избувна на 16 март во 2.30 часот изутрината за време на концертот на групата ДНК. Според МВР, огнот настанал од употреба на пиротехнички средства.

Во пожарот животот го загубија 61 лице, а 193 беа хоспитализирани.

Досега се осомничени вкупно 45 лица, три правни лица и седуммина полицајци.