Националното собрание на Република Српска (РС) денеска расправа за нацрт-новиот устав на РС.

Според работната верзија на нацртот, ќе се формира „армија на РС“, ентитетот ќе има право на „самоопределување“, а Советот на народите на РС и потпретседателите на РС ќе бидат укинати.

Исто така, пишува Дневни аваз, се укинува државјанството на БиХ, а се споменува само ентитетско државјанство.

Уставната категорија е ВССК РС, чиј основачки закон беше привремено суспендиран од Уставниот суд на БиХ.

Амбасадорите ќе ги именува претседателот на РС, наместо член на Претседателството на БиХ, а законите на државно ниво ќе треба да ги потврди Народното собрание на РС.

„Република Српска денеска ја потврдува својата сила и посветеноста на правдата и слободата и нека овој ден биде почеток на ново поглавје во развојот на Република Српска и новиот Устав – наша цврста поддршка на патот кон натамошен напредок и просперитет за сите наши граѓани“, рече пратеникот на претседателот на Република Српска, предлагачот на новиот Устав,  Јелена Пајиќ  Баштинац.

Во својот воведен говор  таа истакна дека донесувањето на новиот Устав не е само правен акт, „туку израз на  зрелоста, суверенитетот , волја и решеност на ентитетот   да го подобри првиот Устав како политичка и правна основа на Република Српска“.

Предлогот да се пристапи кон усвојување на нов Устав на Република Српска беше поднесен од Милорад Додик и Владата на РС.

Американските сенатори Чак Грасли и Џин Шахин ја водат конгресната иницијатива за итна дипломатска акција за заштита на суверенитетот на БиХ.

На иницијативата, која вклучува и официјално писмо до државниот секретар Марко Рубио, се приклучија  и сенаторот Џим Риш, претседател на Комитетот за надворешни односи на американскиот Сенат, како и  четворицата најмоќни сенатори на американскиот сенат.

ЕУФОР почна со распоредување на  дополнителни сили во БиХ поради политичката и безбедносната криза што настана откако Додик беше осуден поради неисполнување на одлуките на високиот меѓународен претставник, по што следеше разговор за нов устав на РС.

Иако Обвинителството на БиХ вчера  издаде наредба да се доведат на распит претседателот  Милорад Додик, Радован Вишковиќ, премиерот на РС и Ненад Стевандиќ, претседателот на Собранието на РС за поткопување на уставниот поредок на БиХ, нивното приведување се уште не е извршено.