Соборен борбен авион на воената хунта на Мјанмар, тврди бунтовничка група
Борбен авион на воената хунта денеска се урна и изгоре во областа Сагаинг во Мјанмар, каде што се водеа жестоки борби за време на граѓанската војна, при што една бунтовничка група тврди дека го соборила, додека државните медиуми објавија дека имал механички дефект.
Препорачано
Регионот Сагаинг е упориште на вооружениот отпор против владејачката воена хунта, која ја презеде власта во февруари 2021 година од избраната влада на Аунг Сан Су Ќи.
Авионот се урнал во регионот Сагаинг, околу 140 километри западно од Мандалај, вториот по големина град во Мјанмар, објави државната телевизија МРТВ, пренесува Еуроњуз.
Не беше идентификуван типот на авионот, ниту пак беа наведени жртви, и беше наведено дека во тек е акција за пребарување и спасување во населбата Пале каде што се урна авионот.
Локалните медиуми го идентификуваа авионот како двосед кинески FTC-2000Г, борбен авион за напад на копно, и емитуваа снимки од урнатиот авион со делови од телото во близина.
Регионот Сагаинг е упориште на вооружениот отпор против владејачката воена хунта, која ја презеде власта во февруари 2021 година од избраната влада на Аунг Сан Су Ќи.
Противставувањето на преземањето започна мирно, но ескалираше во граѓанска војна бидејќи властите сè повеќе прибегнуваа кон смртоносна сила во обид да го задушат несогласувањето.
Ни Ни Кјав, портпарол на милицијата позната како Народноослободителна армија (PLA), за Асошиејтед прес изјави дека нејзините борци биле вклучени во напад врз полициска станица во населбата Пале кога го собориле авионот во вторник во 12:30 часот.
Таа рече дека воените авиони фрлиле стотици бомби во областа во текот на изминатата недела во поддршка на копнените трупи што се борат против Народната ослободителна партија (НАП) и другите групи на отпорот.
Во мај, во воен воздушен напад во Сагаинг беше погодено и училиште, при што загинаа дури 20 ученици и двајца наставници, според сведоци и извештаи на независни медиуми.
Се верува дека војската изгубила најмалку пет хеликоптери и четири борбени авиони, но тврдењата од групите на отпорот дека ги собориле е невозможно да се потврдат поради строгите ограничувања за медиумите и оддалеченоста на областите каде што се одвиваат поголемиот дел од борбите.
