Иранската полиција објави дека почнала да спроведува мерка за идентификување и казнување на жените кои го прекршуваат кодексот за облекување наметнат во земјата, користејќи паметна технологија.

Полицијата соопшти дека почнува да спроведува „внимателно планирани акции“ на јавен простор, возила и на „места каде понекогаш се отстранува хиџабот“.

„Во овој контекст, паметната технологија ќе се користи за да се идентификуваат луѓето кои го прекршуваат законот“, додаваат од полицијата.

Новата мерка доаѓа откако повеќе жени се спротиставија на задолжителниот кодекс на облекување на Иран, по смртта на младата Махса Амини во септември, која беше уапсена поради кршење на строгиот кодекс.