Со надградбите на автомобилот на Ред бул, Верстапен е сè поконкурентен за титулата
Шансите на Верстапен да ја одбрани титулата се зголемија по победата во Имола, а со надградбите на неговиот Ред бул тој станува поконкуретен за врвот на следните две трки во Монако и во Барслона
Возачот на Ред бул, Макс Верстапен, изведе еден од најдобрите потези за престигнување во неговата кариера во Формула 1, освојувајќи ја 65. трка во неговата кариера.
Препорачано
Светскиот шампион ја забележа својата втора победа сезонава во Имола и е само 22 бода зад лидерот во генерален пласман, Оскар Пјастри, кој заврши трет на Големата награда на Емилија-Ромања.
Верстапен коментираше за сопствените шанси за петта титула во низа, сугерирајќи каде можеме да очекуваме уште силни настапи од него.
Гран при на Емилија Ромања изгледаше како уште една можност за возачот на Мекларен, Оскар Пјастри, да го зголеми своето водство на врвот на шампионатот за возачи.
Сепак, Пјастри призна дека направил грешка откако закочил прерано за првата шикана, обидувајќи се да го спречи Џорџ Расел, кој напредувал.
Тоа му овозможи на Макс Верстапен совршено да го „протне“ својот Ред бул покрај двата автомобила на Мекларен и кога ја отпушти сопирачката, беше во одлична позиција да го преземе водството излегувајќи од шиканата.
Super Max! 🤯
All the angles of *that* first lap overtake from Verstappen 🎥#F1 #ImolaGP pic.twitter.com/RTLvUjVml8
— Formula 1 (@F1) May 19, 2025
Но има и друга работа што го радува Верстапен.
Ред Бул направи надградба на автомобилот во Имола и одеднаш четирикратниот светски шампион успеа да биде побрз двата Мекларена.
Дури и кога излезе безбедносното возило и неговото водство „се стопи“, тој немаше проблем да се пробие за да победи.
Се верува дека надградбата не го направиле автомобилот на Ред бул побрз, туку го прошири оперативниот радиус и ја подобри рамнотежата.
– Нашите шанси зависат од тоа на која патека се вози. Секогаш сме конкурентни на брзи патеки каде што има брзи кривини. Сè уште имаме многу работа, но викендот во Имола беше позитивен за нас. Имавме нови работи на автомобилот што функционираа. Петокот беше тежок за нас, но мислам дека имавме подобри поставки за саботата. Се надевам дека ќе можеме да ги користиме почесто за да можеме да бидеме во оптималниот оперативен простор на нашиот автомобил – вели Макс.
Според Верстапен, автомобилот на Ред бул би можел да покаже сосема поинакво лице во следните две трки од Формула 1 во текот на следните два викенда во Монако и во Барселона.
