Обвинителен акт за сторено кривично дело разбојништво денеска заработија двајца скопјани откако е откриено дена на 19 септември годинава ограбиле заложна куќа во скопската населба Тафталиџе, извести Јавното обвинителство.

Истрагата открила дека двајцата по претходен договор, на 19 септември влегле во заложната куќа „Астра кредити“ на улица „Лондонска“ во Скопје.

„Еден од разбојниците наводно држејќи пиштол во рака, а всушност било запалка „Pietro Bereta“, побарал од вработениот во заложната куќа да го отвори сефот и да ги извади парите. Оштетениот постапил по ваквата наредба, го отворил сефот и на обвинетите им дал 120.000 денари. По ова, вториот обвинет се приближил до сефот и го зел остатокот од 180.450 денари кои се наоѓале внатре. Двајцата обвинети од местото на настанот избегале со мотор кој бил паркиран во близина на заложната куќа“ извести ОЈО, од каде додаваат дека побарале продолжување на притворот за двајцата сега обвинети.