Општата здравствената состојба на Катица Јанева е добра. Таа редовно си ја прима од лекар препишаната терапија, велат од истражниот затвор „Скопје“ крај Шуто Оризари, каде од синоќа во 30 дневен притвор е осомничената специјална јавна обвинителка Катица Јанева. Поради нејзината специјфична улога во општеството, запазен е безбедносниот аспект и е сместена во ќелија со уште една жена, велат за „Слободен печат“ од скопскиот истражен затвор.

Јанева денеска беше полициски спроведена до гевгелиските гробишта каде ќе биде погребана мајка и, која за жал, вчера почина во нејзината родна Гевгелија.