Швајцарскиот претставник кој ја освои Европа не зборува за својот приватен живот, а медиумите од неговата земја пишуваат дека тој со години е среќно вљубен.

Немо Метлер, победникот на овогодинешниот избор за песна на Евровизија, е една од главните теми во изминатите неколку дена низа светот.

Претставникот на Швајцарија победи на 68. Евровизија што се одржа во Малме, Шведска, а иако со месеци главен фаворит за победата беше Хрватска, односно нејзиниот претставник Бејби Лазања, тој важеше за еден од оние кои имаат најголеми шанси да ги помрсат конците.

Тој и успеа во тоа, а покрај гласот што го има и перформансот што го приреди, Немо е во центарот на вниманието и затоа што се декларира како небинарна личност.

За приватниот живот на Немо Метлер не се знае многу, а швајцарскиот портал nau.ch пишува дека музичката сензација веќе пет години е во врска со девојка чие име не ѝ е познато на јавноста.

Таа, наводно, е првата личност на која Немо ѝ го признал својот небинарен статус, што значи дека тој себеси не се гледа ниту како маж, ниту како жена.

Инаку, Метлер во 2022 година се декларирал како пансексуалец, односно личност која се вљубува во луѓе, а не во нивниот пол, а споменатиот портал пишува дека го привлекуваат жени, мажи и небинарни луѓе.

Инаку, тој е роден во Биел, Швајцарија, но веќе извесно време живее во Берлин каде се чувствува како дома.

– Берлин е место каде што никој не ме познава. Можам повторно да им објаснам на луѓето кој сум – изјави неодамна тој за SonntagsZeitung.