Стотици коали се убиени од хеликоптер во голема акција на властите во Австралија откако шумските пожари го уништија нивното природно живеалиште, што предизвика осуда и критики од активистите за правата на животните, извести „Индепендент“. Досега се убиени над 700 коали а се стравува дека во наредните денови бројот на убиени животни може да порасне.

Снајперисти од Министерството за енергија, околина и климатски мерки патролираат на местото „Буџ Бим“ во југозападна Викторија. Убивањето се оправдува со стравот дека коалите ќе угинат од глад и дехидратација поради губењето на 2 илјади хектари од националниот парк.

Меѓутоа, активистите тврдат дека методата е крута, бидејќи здравствената состојба на коалите не може да се утврди од хеликоптер.

Викторијанската премиерка Јацинта Алан ја брани политиката на владата и вели дека „коалите се тешко дехидрирани и под голем стрес“. Додаде дека се направени опсежни проценки на состојбата во конктест на шумскиот пожар кој го зафатил тоа подрачје.

Меѓутоа, истражувачите на коалите тврдат дека ова е уште еден пример на лошо управување со овој вид животни.

Извор