epa08788106 An Austrian Military medic collects a swab sample from a person at a coronavirus disease testing site during a nationwide testing in Bratislava, Slovakia, 31 October 2020. A total of 50 Austrian military medics help Slovakia with the mass testing. EPA-EFE/JAKUB GAVLAK

Словенија: Вакцинацијата започнува во недела, предност имаат стари и изнемоштени лица

Вакцинацијата против ковид-19 во Словенија треба да почне в недела во домовите за стари и изнемоштени лица, изјави министерот за труд Јанез Циглер Краљ.

Владиниот портпарол Јелко Кацин тврди дека во првата фаза на вакцинирање ќе има доволно дози за сите штитеници од домовите за стари и изнемоштени лица, кои досега не биле заразени, јави СТА.

Словенечкиот министер за труд нагласи дека штитениците од домовите први ќе примат вакцини, бидејќи тие претставуваат најзагрозена категорија. Тој не го соопшти точниот број на оние кои изразиле желба да се вакцинираат, но истакна дека првата серија ќе биде доволна за сите оние кои сакаат да примат вакцина против Ковид-19.

Циглер Краљ истакна дека вакцинацијата во сите домови за стари и изнемоштени лица ќе се изврши во еден ден, а домовите добиле детални упатства како да се подготват за тоа.

Според официјалните податоци, 10.155 од околу 21.000 штитеници од домовите за стари и изнемоштени лица до вчера биле заразени со коронавирусот, а околу 60 проценти од нив изразиле интерес за примање на вакцината. Меѓу вработените во домовите, тој процент е помал, соопшти Министерството за здравство.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот