Македонската женска фудбалска А репрезентација предводена од селекторот Александар Андов загуби од Словенија во натпреварот од второто коло во групата „Ц“ од квалификациите за пласман на Европското првенство. На тренинг центарот „Петар Милошевски“, најдобрите словенечки фудбалерки славеа со 5:0.

Словенија ја оправда улогата на фаворит на овој меч откако веќе по првото полувреме обезбеди предност од 2:0. Каја Корошец во 23 минута и Матеја Звер во 29 минута ги дадоа головите за гостинките.

Во првиот дел, нашата селекција имаше две прилики преку Гентјана Рочи и Павлина Николовска. Голманката Панчурова се истакна со неколку добри интервенции по првите 45. минути.

Во второто полувреме, Лара Прашникар во 56 минута го постигна голот за 0:3, а последните два погодоци ги постигнаа Кајзба и Колбл во 84, односно 88 минута.

На воведниот натпревар во групата, нашата селекција оствари гостинска победа против Летонија (4:3).

Македонија: 1. В. Панчурова, 16. В. Недева, 20. И. Лимани, П. Николовска, 15. Е. Паневска (53’ Петровска), 14. М. Нацева (70’ Шопов), 8. А. Марковска, 10. Н. Андонова, 4. Р. Велкова (46’ Мустафа), 9. И. Максути, 7. Г. Рочи.