Поштарите ширум Словенија денеска стапија во штрајк, по неуспешните преговори со Управата за зголемување на платите и подобри услови за работа.

Претставникот на синдикатот Саша Гржиниќ попладнево оцени дека во претпладневната смена штрајкувале околу 70 отсто од поштари.

Тој вели дека Управата им се заканила и на студенти кои хонорарно работат за Поштата дека ќе им ги раскинат договорите доколку се приклучат на штрајкот.

Пошторазнесувачите ќе ја вршат доставата на писма и пакети до 10 килограми, но одбиваат да разнесуваат рекламен материјал и весници.

На штрајкот се приклучија и шалтерските работници, па до следната информација нема да ги извршуваат услугите на платен промет или исплата на пари.