Менаџерот на Ливерпул, Арне Слот, изјави дека е горд на целиот тим и додаде дека тимот од „Енфилд“ заслужено ја освои титулата во Премиер лигата.

Фудбалерите на Ливерпул ја обезбедија титулата во англиската Премиер лига откако го победија Тотенхем со 5:1 на домашен терен во 34 коло од елитниот ранг на Англија.

– Се чувствувам одлично. Сакам да му се заблагодарам на Јирген Клоп – рече Слот, кој го замени Клоп на позицијата менаџер на Ливерпул минатата година.

Слот истакна дека Ливерпул заслужил да го победи Тотенхем.

– Беше јасно дека не можеме да го изгубиме овој натпревар. Сите во автобусот велеа дека нема шанси да изгубиме. Неверојатно сум горд, не само на играчите, туку и на спортските директори, членовите на мојот тренерски штаб, сите заслужуваат голем аплауз – се зборовите на холандскиот стручњак.

Ливерпул ја освои својата 20 титула во клупската историја

„Да заборавиме дека ова е втор пат за 35 години, но да речеме дека е втор пат во последните пет години – кажа Слот.