Тимот на кафе и филм „Котур“ ја објави програмата за втората вечер (30 септември) на седмото издание на фестивалот на филм и музика „Sирни“. Филмската програма на „Ѕирни“ се одвива на Плато пред Дом на АРМ.

Програмата на втората вечер опфаќа проекција на пет кратки филмови, меѓу кои се вбројуваат и две скопски премиери, и тоа: „Остров“ во режија на Бранко Костески и „Зајак“ во режија на Ханис Багашов. По проекциите следува разговор со авторите модериран од Дениз Абдула.

Покрај проекциите, и како дел од музичката програма, во „Котур“ ќе се одржи концертна промоција на албумот „Наше после сѐ“ од бендот „Занаду“.

Програмата за 30 септември, во 19:30 часот, ќе биде отворена со проекција на филмот „Остров“ (17 минути) во режија на Бранко Костески. Владо, 40-годишен мизантропски сценарист, живее сам, избегнувајќи човечки врски. На неговиот роденден, неговата сестра го поттикнува повторно да се поврзе со својата средношколска љубов, Сара, која сега е вратена во градот.

Потоа ќе следуваат кратките филмови „Зајак“ (20 мин.) во режија на Ханис Багашов, „Очи“ (4 мин.) на Леона Јариќ, „On the way“ (15 мин.) на Самир Карахода и „68 Секунди“ (9 мин.) во режија на Итана Вукосављевиќ.

Фестивалот „Ѕирни“ трае до 6 октомври на платото пред Дом на АРМ и во Кафе и филм „Котур“. Влезот за сите проекции е слободен, но поради органичениот број седишта потребно е да подигнете билет од „Котур“.